Si Kim Chiu ang nagwakas sa kanilang mahigit sa isang dekada na relasyon ang rebelasyon ni Xian Lim.
Sinabi ito ni Xian sa panayam sa kanya ni Boy Abunda sa Fast Talk with Boy Abunda na naganap nitong Miyerkules ng hapon, Hunyo 12, 2024.
Kasama ni Xian sa pagbisita nito sa nabanggit na programa si Sanya Lopez, isa sa mga co-star niya sa Playtime, ang pelikulang nagbukas sa mga sinehan ngayong araw at pinagbibidahan din nina Coleen Garcia at Faye Lorenzo.
Nagulat si Xian nang tanungin ni Boy kung magkaibigan sila ni Kim matapos ang kanilang paghihiwalay.
Saad ng Kapuso actor-director: “Of course, of course.
“Nagulat ako sa tanong. Of course, yes.
“To be completely honest, ever since we went our separate ways, hindi pa po kami nakakapag-usap .
“But when that night happened, maayos yung pag-uusap namin.
“Of course, merong iyakan, but there was that assurance na we went through twelve years, di ba?
“Twelve years of our existence so it has that respect.”
XIAN LIM SAYS KIM CHIU INITIATED THEIR BREAKUP
Kasunod nito ay sinabi ni Xian na hindi siya ang nakipaghiwalay sa dating karelasyon.
“Ang dami kasing kuwento. Yun nga yung mahirap sa isang public relationship.
“They’ve been there since day one nung panliligaw pa lang, all the way to more than a decade…
“People come up with all these made up lies kung anuman but we released our statement na we both decided to part ways.
“To be completely honest, I wasn’t the one who engaged in the separation.
“Yun lang po siya. It’s that simple.
“I wasn’t the one who initiated the breakup.”
Tanong ni Boy kay Xian, “If you have it your way, hindi pa kayo hiwalay ni Kim?”
Sagot ni Xian: “It’s such a delicate… I understand why the supporters are angry. I understand why they feel betrayed.
“Pero masakit din yon para sa amin. They’re watching it from a distance.
“Eto kaming dalawa and we have our talks. Nag-usap kami privately.
“Hindi na kailangan pang himayin kung sino ang nagkulang. I think the length of it speaks for itself.
“And yung mga pambabatikos sa akin ng karamihan, I think they should just look at it from a lens na for more than a decade, I never had any… my record is clean and I’m proud of that.
“You’re not gonna see me in places you’re not supposed to see me. Yun lang siya. The time speaks for itself.”
Sa pagkakataon ito, hindi puwedeng akusahan si Xian na ginagamit niya sa promo ng Playtime ang isyu ng paghihiwalay nila ni Kim dahil sumagot lamang siya sa mga tanong ni Boy.
Malungkot na sabi ni Xian: “It’s just sad na maraming intriga na lumalabas, especially against me. And I don’t wanna make it seem, like, ‘O bakit yan si Xian, ang ingay-ingay ngayon? Kung anu-ano ang pinagsasasabi because may promo ng pelikula?’
“It’s just a very delicate thing and I do understand why people are upset, but we are okay.”
