Spotted together again sina Ruffa Gutierrez at rumored boyfriend na si Herbert Bautista sa 100th birthday celebration ni former Senate President Juan Ponce Enrile.
Sa Instagram ngayong Lunes, February 19, 2024, nagbahagi si Tim Yap ng pictures at videos na kuha niya sa malalaking pagtitipon noong nakaraang weekend.
Ito ay ang birthday celebration ni Enrile at ang Manila celebration ng renewal of vows nina Heart Evangelista at Senator Chiz Escudero.
Sabi ni Tim sa kanyang post, “From JPE’s 100th birthday to @iamhearte @escuderochiz’s renewal of vow’s celebration, last weekend was as one for the books celebrating love, friendship and iconic, larger than life personalities.
“It was a gathering of people who have changed politics, lifestyle, fashion and history with how they have chosen to live their lives.
“In this short life that’s been given to us, we can only hope to affect others in our own special way. Have a great week, everyone! Yes, it’s IG official [heart emoji] #heartchizchaptertwo
#jpe100 #goodvibesonly”
Sa huling video sa post ni Tim, makikitang magkatabi sa isang table ang rumored sweethearts na sina Ruffa at Herbert.
Pabirong tanong ni Tim, “Date night?”
Sagot ni Ruffa, “Well.”
Ayon naman kay Herbert, “Nakikain lang.”
Sa comments section, isang netizen ang nagtanong na, “C Bistek at c Ruffa prin pla”
“Bistek” ang palayaw ni Herbert sa showbiz.
Tugon ni Tim ay three hearts emojis lamang na tila pagsang-ayon dito.
Matagal na ring walang sightings sa pagitan nina Ruffa at Herbert.
Pero nitong nakaraang January 18, 2024, pinalagan ni Ruffa ang tsismis na buntis siya at ang ama raw ng kanyang dinadala ay ang rumored boyfriend na si former Quezon City Mayor Bautista.
Ang sabi lang ng aktres dito, “So here it is: FAKE NEWS!”
