Maraming nakuhang tips mula si Miss Universe Philippines 2023 Michelle Dee sa Miss Universe winners na sina Pia Wurtzbach (2015), Catriona Gray (2018), at reigning Miss Universe R’Bonney Gabriel.
Nasa El Salvador ngayon si Michelle para sa Miss Universe 2023 pageant na gaganapin sa November 18 (Philippine time).
Kuwento ni Michelle sa PEP.ph (Philippine Entertainment Portal) noong October 26, bago pa man siya sumabak sa national pageant sa Pilipinas ay nakakausap na niya sina Pia at Catriona.
“I’ve had the privilege to speak both to Catriona and Pia a number of times even before I won the Miss Universe crown,” sabi niya.
Kinoronahang Miss Universe Philippines 2023 si Michelle noong May 2023.
Naging daan daw ito para patuloy na makakuha ng payo si Michelle mula sa former Filipina Miss Universe titleholders kung ano ang kanyang gagawin kapag sumabak na siya sa Miss Universe pageant.
Sabi ni Michelle, “They’ve given me their own unique perspectives on the platform, on the organization…
“A lot of very helpful tips on how to manage my stress, how to manage the pain if ever it arises, and those have been very helpful… the small things matter.
“I actually had the opportunity to speak with Pia at an event recently and the tip she gave me was very insightful, very helpful…
“And, especially, one where it’s about feet care. Kaya sobrang nagpapasalamat ako sa kanya, and I also want to get her thoughts on my final gown.”
Sa isang separate interview, kinumpirma ni Pia na “kinilig” siya nang ipakita ni Michelle ang picture ng final gown nito para sa Miss Universe.
Sabi ni Michelle, ang approval daw na ito ni Pia ay “testament” kung gaano pinagpaguran ni Michelle ang kanyang preparasyon para sa international pageant.
May mga nakuha rin daw mga paalala ni Michelle mula kay R’Bonney ang Filipino-American at Miss Universe 2022.
