Kinontra ni Miss Universe 2015 Pia Wurtzbach ang mga kumalat na diumano’y leaked scoresheet ng nakaraang Miss Universe 2023.
Makikita sa scoresheet ng Evening Gown Competition na nasa panglimang puwesto si Michelle Marquez Dee ng Pilipinas at ka-tie niya si Miss Thailand Anntonia Porsild.
Makikita rin ang mga pangalan ng selection committee ng coronation night pati na ang kanilang nationalities.
Makikita ring tatlong judges ang nagbigay ng score na “6” kay Michelle sa evening gown.
Ayon kay Pia, na nagsilbing judge ng Miss Universe 2017 sa Las Vegas, Nevada, hindi ganito ang scoresheet nila noon.
Nagkasundo rin daw sila noon ng mga kasamahan niyang hurado na “8 hanggang 9.9” ang maaring maibigay na score sa isang kandidata.
Wala rin daw perfect “10” sa kanilang computer keypad at nagtataka siya kung bakit may score na “6.”
Sabi ni Pia sa kanyang Instagram Broadcast Channel ngayong Miyerkules, November 22, 2023 (published as is), “Soooo Ive been seeing this alleged scoresheet going around. I don’t think thats the real scoresheet based on my experience as a judge years ago.
“Kasi una… bakit may nationalities ng judges? 2nd.. when I judged in 2017 we all agreed to score between 8 to 9.9.
“Walang 10 (I dont think may 10 rin sa keypad namin noon but I dont know how it looks like now) the reason for this is so we dont tip the average to one side too much.
“So well agreed between 8 to 9.9 only. So some girls could get a 8.7, 9.5, 9.1.. ganon. Close fight talaga.
“Also I dont think MUO or even their tabulators would put their credibility on the line by leaking this kind of information lalo na theyre all about data privacy especially in the US”
Nagpaliwanag naman si Pia kahit wala umanong nagtatanong sa kanya ukol dito.
Baka nga may nagbago na raw dahil ilang taon na rin noong panahong naging judge siya.
Aniya, “Again, I know nobody asked! Hahaha At sabihin nanaman ng haters ko nagpapapansin ako Oh well subscribe nalang kayo sa broadcast channel ko for more updates on my life and whats in my thoughts
“But then again I judged years ago and things might have totally changed already! Who know?? Ibang era yun, ibang era na ngayon.
“The 2 big giveaways for me kung bakit di legit yung scoresheet ay yung may nationalities ng judges haha tsaka yung walang decimal point. Meron kasi talaga noon.”
Nagbiro pa nga siyang tatawagan niya ang nag-resign na Miss Universe Organization president na si Paula Shugart.
Saad niya, “”Teka tawagan ko na nga si Paula para sure na…
“CHAROT
“Ginugulo ko lang kayo hahahahaha”
Si Miss Nicaragua Sheynnis Palacios ang itinanghal a Miss Universe 2023 samantalang nakapasok naman si Michelle sa Top 10.
