Puring-puri ni Vice Ganda si Kim Chiu sa episode ng It’s Showtime ngayong araw. Ani Vice, maganda si Kim, maganda ang puso niya at deserve nito ang pagmamahal.
Sa segment na Expecially For You, napag-usapan nila ang tungkol sa dahilan ng paghihiwalay ng contestant at ng ex nito.
Kinalaunan ay napansin ni Vice Ganda si Kim na nanahimik. Biniro siya nito na dadalo daw ito sa JS. Kasunod nito ay sinabi ni Vice na maganda si Kim at maganda ang puso nito. Aniya, deserve ni Kim ng love at niyakap niya ito.
“Maganda ka. Mabuti kang tao. Maganda ang mukha mo. Maganda ang puso mo. YOU DESERVED THE BEST. YOU DESERVED LOVE.”
Ngayong araw nga ay umingay lalo ang espikulasyon tungkol sa umano’y paghihiwalay nila ni Xian Lim. Ito ay matapos mapansin ng netizens na burado na ang vlogs ni Xian na kasama si Kim. Tatlong videos na lamang ang natitira sa kanyang YouTube channel.
Si Kim Chiu ay unang nakilala sa mundo ng showbiz matapos siyang tanghalin bilang big winner sa kauna-unahang Pinoy Big Brother: Teen Edition. Bukod sa kanyang husay sa pag-arte, nagkaroon din siya ng maraming proyekto dahil sa husay niya sa hosting at pagsayaw. Nagkaroon din siya ng mga kanta kagaya ng MR. Right at Peng You.
Tuwang-tuwa si Kim nang makatanggap ng mamahaling sapatos mula sa Diamond Star na si Maricel Soriano. Sa kanyang IG stories ay makikita ang pag-abot sa kanya ni Maricel ng Christian Louboutin na sapatos. Kilig na kilig si Kim habang sinusukat ang sapatos mula sa Diamond star. Todo-pasalamat si Kim at pinangakong aalagaan niya nang buong puso ang pamana ng kanyang inay Maria.
Samantala, kamakailan ay kinaaliwan sina Kim at Vic Sotto sa vlog ni Kim kung saan game na sinagot ni Bossing ang mga tanong ni Kim. Marami ang natuwa sa mga hirit at palitan ng joke ng dalawa na sa unang pagkakataon ay nagkasama. Matapos ang kanilang game ay nag-book si Bossing ng mga delivery riders para mabigyan ng biyaya. Dahil sa nakakaaliw na video nila ay maraming mga netizens ang gustong magkatrabaho ang dalawa sa pelikula.
