Ikinasal na ang actor-dancer na si Zeus Collins sa non-showbiz girlfriend nitong si Pauline Redondo.
Ginanap ang kanilang beach wedding sa Acea Subic Beach Resort, Subic, Zambales, noong Sabado, December 9, 2023.
Ilan sa mga dumalo ay ang mga dating kasamahan ni Zeus sa It’s Showtime na sina Vice Ganda, Ion Perez, at Hashtags members na sina Wilbert Ross, Nikko Natividad, Kid Yambao, at Tom Doromal.
Sa kanyang Instagram, nag-uumapaw na pasasalamat ang ibinahagi ni Pauline, lalo na sa Panginoon, dahil binigyan sila ng magandang panahon.
Mensahe niya, “First of all, thank you Lord for a very very beautiful weather and for giving us a breathaking view during the ceremony.
“Thank you sa asawa ko, sa napakagandang wedding. This was all I ever wanted and all I ever dreamed of.”
Isa-isa rin niyang pinasalamatan ang mga kapamilya, kaibigan, ang mga ninong at ninang na dumalo sa kanilang kasal.
Saad pa ni Pauline, “We are truly blessed to have all of you. It was truly the best day of our lives and we loved every minute of it!
“Love, Zeus and Pauline #PaulineInLoveWithZeus #ZeusAndPauline”
Ipinangako naman ni Pauline kay Zeus na forever niya itong mamahalin.
Aniya, “I promise to partner with you as we fulfill the great plan that the Lord has for our lives… I love you, love. Mamahalin kita, at araw araw kong pipiliin na mas mahalin ka, ngayon at kailanman, kahit itlog at hotdog lang ulit ulamin natin araw araw @hashtag_zeuscollins.”
Na-engage sina Zeus at Pauline noong May 23, 2022.
