Hindi mapigilang mangiti ni Oliver Moeller, 32, habang ikinukuwento ang pagpasok sa showbiz.
Inalok na raw kasi siyang mag-artista noong 20 anyos lang siya, pero hindi niya ito tinanggap.
Si Oliver ang Cebu-based Filipino-German lawyer na naging instant sensation matapos maging searchee sa It’s Showtime dating game na “EXpecially For You” noong April 6, 2024.
Bukod sa pagiging tall, dark, and handsome ni Oliver, mabilis siyang kinakiligan ng publiko dahil sa ipinamalas niyang husay sa pagsasalita sa dating segment ng ABS-CBN noontime show.
Tuluyan na ngang naging opisyal ang pagsabak ni Oliver sa showbiz industry nang ipakilala siya sa press recently ng kanyang current talent management, ang Cornerstone Entertainment.
Coincidentally, 12 years ago ay inalok na siya ng Cornerstone founder na si Erickson Raymundo na i-manage ang kanyang career. Pero tumanggi si Oliver.
Sinabi ni Oliver na hindi niya nakikita noon ang sarili na mag-aartista.
Pagbabalik-tanaw ng sporty lawyer, “Crazy story is, 12 years ago, Erickson already reached out to me.
“He really asked me if I wanted to try out showbiz at the time.
“Admittedly, I was still 20 years old. I was pretty young. I was in my first year of law school. I had different priorities at that time.”
Pinagtuunan ang pagkuha ng Political Science sa University of San Carlos sa Cebu.
Isinunod ang kanyang Bachelor of Laws at nagtapos noong 2016. Naipasa niya ang bar exam noong 2017.
Hindi dito nagtapos. Nagpunta siya sa Australia at nag-aral sa University of Queensland.
Kumuha siya ng master’s degree in public international law and international law. Natapos niya ito noong 2020.
Sino raw ang mag-aakalang itatakda pala ang pagiging celebrity niya.
“And three weeks ago [through ‘EXpecially For You], the stars aligned and here we are now,” sabi ng binata.
RIGHT TIMING TO ENTER SHOWBIZ
Pero naniniwala si Oliver na may dahilan kung bakit humindi siya noong una at lumipas ang mga taon bago siya pumayag mag-showbiz.
Inihanda raw muna siya para rito.
Sabi niya, “I believe my legal career, the stuff I know now, the stuff I learned, the things I’ve gone through in the last 12 years, including my amazing support group, my close friends and my family, I’m pretty confident in myself and the people behind me.”
Kung tutuusin, hindi kailangan ni Oliver na pasukin ang pag-aartista para kumita.
Bukod sa pagiging parte ng isang law firm sa Cebu, aniya, “I still manage our family business, and I have other responsibilities back in Cebu.”
Walang pang tiyak na direksiyon ang tatahaking career ni Oliver, pero sa ngayon ay nakikita muna niya ang sarili bilang content creator para isulong ang kanyang advocacies.
Sabi niya, “I just really want to share my advocacies. I’m super into fitness, sports, providing free legal education, as well.
“And I love to share that now that we all have a platform, and people are watching. I love to share that with everyone.”
Bukas din siya sa posibilidad na maging host.
OFFERS COMING HIS WAY
Inamin din ng Cebuano lawyer na mula nang makilala siya dahil sa It’s Showtime segment ay nagsidatingan ang offers.
Ito ang dahilan kung bakit nagdesisyon siyang magpa-manage sa Cornerstone.
Sabi niya, “People started following me on Instagram and reaching out, there are a lot of opportunities coming in.
“Honestly, I didn’t know if I had the time to personally manage all of those opportunities.
“When I was weighing all my options, there were offers on the table. So, I was to speak with Erickson, with his team multiple times…
“Which is why I’ve decided that if I’m going to decide to try this challenge, which is showbiz industry, I feel like Cornerstone was the best partner for me.”
