Malungkot ang Mother’s Day ng beauty queen-actress na si Maggie Wilson ngayong taon.
Ito ay dahil pinagbawalan na siya ng korteng makita at makausap ang sariling anak na si Connor Consunji
Sa Instagram nitong nakaraang Linggo, May 12, 2024, Mother’s Day, ibinahagi ni Maggie sa kanyang followers na halos 500 araw na niyang hindi nakakausap si Connor.
Dalawang taon na raw mula noong huli niya itong nakapiling.
Nakatira si Connor sa ama nitong si Victor Consunji, ang estranged husband ni Maggie.
Post ni Maggie: “Photos taken on Mother’s Day 2022.
“It’s been almost two years since I last held him and 494 days since we last spoke. I’ve missed 2 birthdays, 2 Christmas’, 2 New Year’s celebrations and countless milestones.
“There is nothing more painful than the loss of a child who I know is growing up without me.”
MAGGIE WILSON REVEALS PROTECTION ORDER
Ayon pa kay Maggie, bihira na siyang makapag-post tungkol sa anak dahil may natanggap siyang protection order mula sa korte.
Ibig sabihin, hindi niya maaaring makita at makausap ang anak hanggang ito ay maging adult o ganap nang binata.
Saad ni Maggie: “You may have noticed that I’ve been posting less about him. It’s because I received a notice for a Protection Order for sharing images and videos of my own son on social media. To stop me from seeing or speaking to him until he is an adult.
“I am a mother but I have been robbed of being able to be a mother. Nonetheless, I will always be his mommy and that is something no one, not even time can erase. You are always with me Connor.
“Forever in my heart, in my mind, and my prayers. One day bubbah. Our time will come. I will never lose hope. I love you and miss you dearly my little man.”
Mensahe pa niya sa mga inang katulad niya, “To all the mothers who understand the complexities of love and loss, may this day bring a gentle reminder of the enduring bond that transcends time and space.
“Happy Mother’s Day to all the mothers, near and far, who carry their children in their hearts, today and always.”
MAGGIE-VICTOR LEGAL BATTLE
Malayu-layo na ang itinatakbo ng sigalot sa pagitan ni Maggie at ng estranged husband nitong si Victor.
September 2021, inanunsiyo nina Maggie at ni Victor ang kanilang desisyong maghiwalay matapos ang halos labing-isang (11) taong pagsasama bilang mag-asawa.
Kasunod nito ang diumano’y pagpapalayas ni Victor kay Maggie sa tinitirhan nito sa Taguig.
Ilang araw matapos nito, lumabas ang dokumentong nagsasaad na sinampahan si Maggie, kasama ng business partner nitong si Tim Connor, ng pakikiapid.
Mariing itinanggi ni Tim na may relasyon sila ni Maggie at tinawag na “rubbish” ang reklamong isinampa sa kanila.
Ibinunyag naman ni Maggie sa isang post na possible pa siyang sampahan ng dagdag na kaso ng kanyang estranged husband.
