Felson Palad cries foul over bashing against sister Sheena

Si Felson ay singer sa retirement homes sa U.S. at mister ng aktres na si Donita Rose. Nakabase ang couple sa U.S.

Gabi ng Miyerkules, May 29, 2024 (Philippine time), nang mag-post si Felson ng pagdepensa kay Sheena.

Nakarating kay Felson ang pamba-bash kay Sheena na “Mamatay ka na! Malandi ka! Wala kang respeto! Buhay ka pa?”

Tinawag pa raw si Sheena na “starlet, trans, mukha kang bakla, kabit ni Tirso, babalu, at bida bida.”

Saad ni Felson, “These are just a few of the hurtful words that my sister Sheena has had to endure.

“I have seen the messages she receives. My family and I share a close bond, and it pains me to see her go through this.

“We hope that no one else has to experience this.”

Hindi raw maisip ni Nelson kung paano naatim ng netizens na magbitiw ng masasamang salita laban sa kanyang kapatid.

Ngunit pagpapatuloy niya, “However, my sister is resilient, and we are grateful for her strength.

deserves to have good mental health.

“Although life presents challenges such as bullies and their victims, it’s important that no one remains a victim.

“We take comfort in our faith and believe that the truth will always prevail.”

Umaasa siyang matitigil na ang batikos kay Sheena.

“To those who are taking pleasure in my sister’s difficult situation, I urge you to consider the impact of your actions.

“We hope that you can find it in your hearts to show empathy and understanding.”

FELSON PALAD ON SISTER’S SELF-WORTH

Bagamat aminadong apektado sa pagkadawit kay Sheena sa kontrobersiya ng FAMAS 2024, positibo si Felson na malalampasan ito ng kapatid.

“To my dear sister Sheena, you know that I stand by you through thick and thin. Dodot loves you so much [teary-eyed emoji]

“I am trying to remain composed, although I am deeply upset.

“We find strength in our faith and in the support of those who care for us.”

Kumpiyansang sabi pa ni Felson, “In the midst of these challenges, my sister is able to minister because her sense of self-worth is not tied to social media, her career, her talents, her family, or her friends.

“She finds her identity in Christ.

“She is a cherished child of God, and not defined by the hurtful labels others may use.”

FAMAS AWARDS 2024 FIASCO

May 26 ginanap ang FAMAS Awards 2024 sa Manila Hotel.

Noong May 28, una nang bigyang-linaw ni Sheena na imbitado siya sa FAMAS Awards 2024 bilang singer sa dinner party.

Pero pagdating sa venue, habang siya ay nasa standby area, pinakiusapan daw siya ng isang production staffer na maging presenter sa program.

Hindi raw niya alam na si Eva ang unang itinakdang co-presenter ni Tirso.

Noong May 27, naglabas ng official statement ang organizers ng FAMAS upang ipaliwanag kung bakit ipinalit si Sheena kay Eva.

Hindi raw mahanap ng production staff si Eva kaya kinuha nila si Sheena. Tinanggap naman ng pamilya ni Eva ang paghingi ng paumanhin ng FAMAS 2024 organizers.

Pero hindi pa rin natuldukan ang isyu.

Maraming industry people, at pati na rin ang netizens, ang kumuwestiyon sa anila’y palusot ng organizers dahil imposible raw na hindi makita si Eva sa venue.

Maaga raw dumating si Eva at may upuang nakapangalan dito sa dinner party.

Kagabi, May 29, isiniwalat ng production staffer ng FAMAS Awards 202 na si Johnrey Rivas na nagsinungaling umano ang organizers sa apology statement kay Eva.

Tinanggal na raw talaga si Eva bilang co-presenter ni Tirso dalawang araw bago ang awards night. Hindi raw kasi nagkumpirma si Eva sa PRO ng FAMAS na dadalo ito sa event.

Ayon kay Johnrey, ang PRO na si Renz Spangler ang in-charge sa pagkontak sa presenters.

Base sa paglalahad ng organizers at pati na rin ni Johnrey, malinaw na walang kinalaman si Sheena sa nangyaring FAMAS 2024 fiasco.