Matapos mag-resign bilang Miss Charm 2023, opisyal nang isinapubliko ang pagbabalik-pageant stage ni Krishnah Gravidez bilang isa sa official candidates ng Miss World Philippines 2024.
Ngayong Lunes, June 3, 2024, ipinost ng Miss World Philippines Organization sa kanilang social media accounts ang pangalawang set ng Miss World candidates , kunsaan kabilang si Krishnah.
Katulad ng mga nagdaang national pageants na sinalihan niya, nakatakdang i-represent ni Krishnah ang Baguio City sa Miss World Philippines 2024.
KRISHNAH WITHDRAWS FROM 2024 MISS CHARM PAGEANT
Ang pagsasapubliko ng pagsali ni Krishnah sa Miss World Philippines 2024 ay nangyari makalipas ang isang araw matapos niyang ianunsiyong siya ay nagbitiw bilang kinatawan ng Pilipinas sa Miss Charm international pageant.
Sa isang mahabang post sa Instagram nitong Linggo, June 2, ibinahagi ng beauty queen ang desisyon niyang mag-withdraw bilang Miss Charm Philippines 2023.
Walang sinabing dahilan si Krishnah sa kanyang pagre-resign, maliban sa pagpapasalamat sa kanyang mga tagasuporta at sa bumubuo ng Miss Universe Philippines Organization na siyang naging dahilan kung bakit siya hinirang na Miss Charm Philippines 2023.
Saad ni Krishnah sa kanyang Miss Charm resignation post: “To the pageant fans, Team Strawberries, my Vietnamese supporters, and my core team, who watched my journey and waited, I thank you for holding on.
“After much consideration and reflection, I regret to inform you that I have decided to withdraw from the Miss Charm International competition.
“I want to express my deepest gratitude for the incredible opportunities that Miss Universe Philippines and Miss Charm Philippines have afforded me. It has been an honor to be part of such prestigious competitions, and I am truly grateful for the experiences and friendships I have gained along the way.
“I want to thank Mama J especially, who has been one of the best mentors and gave his valuable support for the decisions I needed to make. ♥?
“Thank you once again for the incredible journey with Miss Universe Philippines and Miss Charm Philippines. I will always cherish the memories and lessons learned during my time of reign.
“As I embark on this new chapter of my life, I hope to have your continued support in all my future endeavors. To God be the Glory.”
Nakuha ni Krishnah ang Miss Charm Philippines 2023 title noong May 2023 matapos niyang mapabilang sa Top 3 ng Miss Universe Philippines 2023.
KRISHNAH RECEIVES MESSAGES OF SUPPORT
Samantala, ang pagsali ni Krishnah sa Miss World Philippines 2024 ay ikinatuwa ng kanyang fans maging ng ilan co-beauty queens niya.
Sa Instagram, nag-post ng teaser photos si Krishnah para ipakita na siya ay handang-handa sa pagbabalik-pageant stage.
Caption ni Krishnah sa kanyang Instagram post (published as is), “To color the WORLD with Kindness [blue heart emoji].
“Krishnah Marie Gravidez @msworldphil 2024 — Baguio City.”
Agad itong umani ng komento ng pagsuporta.
Komento ni Miss Supranational 2023 1st runner-up Pauline Amelinckx, “The WORLD is ready.”
Mensahe naman ni Reina Hispanoamericana 2nd runner-up Michelle Arceo, “KRISHNA!!! TIME FOR WORLD DOMINATION.”
Sabi naman Reina Hispanoamericana Filipinas 2021 Emmanuel Vera, “Yessssss. labaaaan!”
Habang isinusulat ang artikulong ito ay wala pang inilalabas na detalye kung kailan gaganapin ang Miss World Philippines 2024 grand coronation.
