Hindi tears of joy ang tumulo mula sa bagong kasal sa Amlan, Negros Oriental, nitong weekend.
Sa kanilang wedding picture, kitang nagpapahid ng luha ang groom, habang tila pinagtakluban ng langit at lupa ang mukha ng bride.
Malungkot din ang mukha ng kani-kanilang mga magulang.
Ang kasal na ito sa St. Andrew the Apostle Parish sa Amlan noong June 8, 2024, Sabado, ay nag-viral.
Kumalat sa social media ang video clips ng kasal na may caption: “pari sa kasal nagalit.”
Sa video, sinimulan na ng pari ang misa, habang nagmamadali sa pagpasok ang wedding entourage.
Kita ring hirap maglakad ang bride na halatang naaapakan na ang kanyang wedding gown habang naghihintay sa altar ang kanyang natatarantang groom.
Bukod dito, buntis din ang bride.
Pero tila miscommunication ang naganap dahil ang pahayag ng parish, na-late daw kasi ng dating ang bride ang groom.
Narito ang kuwento.
NEWLYWED COUPLE HURT BY PRIEST’S WORDS
Inilahad ng bride na si Janine Sagario ang masalimuot na wedding nila ni Jove Deo Sagario sa isang Facebook post nitong Linggo, June 9.
Aniya, isang araw bago ang kanilang kasal, inabisuhan sila ng isa nilang ninang na nagse-serve sa simbahan na may pagbabago sa oras ng kanilang kasal.
Ang orihinal na 8:00 a.m. ay nalipat daw ng 9:30 a.m. kaya hindi nila kailangang magmadali.
Dumating pa raw sila ng 9:00 a.m. at inakalang mayroon pa silang 30-minute allowance.
Pero sa labas pa lamang ng simbahan, sinalubong na raw sila ng church staff na galit na galit dahil late sila ng isang oras.
Hindi man lang daw sila binigyan ng pagkakataong magpaliwanag sa nangyari.
Sa kaso ng bride, muntik na raw siyang madulas. Buntis pa mandin siya at nalalapit na ang kanyang panganganak kaya nag-alala ito.
Sobrang nalungkot daw siya dahil sinimulan na ang misa kahit wala pa siya sa altar.
Lalo raw sumama ang loob nila dahil pinagalitan pa sila ng pari noong nasa altar na sila.
Nag-post daw siya para ilabas ang kanyang sama ng loob.
Hindi na raw napigilan ng kanyang groom ang maiyak sa sama ng loob sa araw ng kanilang kasal.
Narito ang kabuuan ng kanyang Facebook post na tila auto-translated (published as is):
Good morning everyone! This day should be a big day/special day for my partner because it’s our wedding. But our supposed moment is ruined, always ruined!
June 08 2024 at exactly 8:00am is our wedding but at the last minute June 07 2024 11:00pm one of our godmothers who served in the church came to our house to inform us that the convent person answered her that the time of our wedding was rescheduled, from 8:00am Down to 9:30am.
So we are quick to inform both sides and to join our wedding entourage, we are happy because we are not too late. Yesterday at quarter to 9:00am we arrived at the church, we really put an allowance so we still have time to spend properly!
But what happened is that we were greeted by the staff of the church because we were 1 hour late, they said that we will not make the church an ordinary one!
All their mouths are noisy and talkative, they didn’t give us a chance to explain our side! I’m still at the entrance of the church, the mass has already started, I can’t even reach the altar and to think I almost slipped because I’m pregnant and will give birth soon!
Extreme heartache, disappointment, and shame we felt because upon reaching the altar, we received the priest’s noise again! I was even told they thought I was in labor so we weren’t half on time!
Of all the negative feedbacks that I heard about our parish, I didn’t send them, I chose to marry here in this church because I am from here! Because I’m proud of our parish but it’s the same thing that ruined my most special moment in my life! I was disrespected a lot, they didn’t even have respect that I was burning and they started calling me! You can see in the video I’ve attached how beautiful it is to get married here!
I am posting this not to show off but to release my sadness and pain! My groom cried a lot after the wedding because he was hurt and sad because who else would be happy, right?! Sorry if you get offended by this but what you did to us is worse honestly!!!
Ang tiyahin ng groom ay nag-post din sa FB, part of which reads: “What hurt us were his [priest] words—they damaged our morale and ruined the couple’s special moment. He could have been more considerate.”
“WEDDING TAKE TWO”
Dahil mabilis nag-viral ang isyu, umani ng suporta mula sa netizens ang bagong kasal.
Nagkaisa ang mga wedding suppliers and organizers sa Negros Oriental para mag-organisa ng pangalawang kasal kina Janine at Jove Deo.
Tinawag nila itong “Wedding Take 2.”
Sa post ng isang sponsor, si John Lester Barot, binanggit nitong may sumagot na sa sasakyang gagamitin, gown, make-up, sounds and lights, violinist, at pati na ang wedding rings.
Nakatakda itong mangyari sa darating na June 17, 2024.
PARISH RELEASES OFFICIAL STATEMENT
Kaugnay ng issue, naglabas ng official statement si Msgr. Albert Erasmo G. Bohol, ang parish priest ng Saint Andrew Parish, Amlan.
Ipinost ito sa Facebook page ng Diocese of Dumaguete Commission on Liturgy ngayong Lunes, June 10.
Inilahad dito ang kanyang panig sa isyu.
Iginiit niyang naka-schedule ang kasal ng 8:00 a.m. ng Sabado.
“However, on the night before the wedding, one of the lady sponsors went to the bride and groom’s house and told them that the wedding was moved to 9:30 a.m. and that they should not be in a hurry,” ayon sa statement.
“She relayed this information in an unofficial capacity.”
May naka-schedule raw na funeral mass ng 9:30 am sa parehong araw.
Pero kahit late raw ang couple, nag-misa pa rin ang assisting priest “out of charity to the couple.”
Humingi rin ng paumanhin ang pari sa pangyayari.
May pag-amin siyang may mga pahayag na ginamit dahil “carried away by emotions.”
“Hence, we express our sincere apology to the bride and the groom, to their respective families who were directly offended by the turn of these events, and to the people who have seen our humanity as Priests in a time when we were weakest of any possible control.”
Humingi rin ito ng paumanhin sa pamilya ng namatayan na naghintay para sa funeral mass.
