– Pinaliwanag ni Philmar Alipayo na lasing siya dun sa viral video kung saan may kausap siyang babae pero aniya ay alam niya ang kanyang limitasyon
– Aniya, hindi niya kakayaning umuwi ng bahay kung may ginawa nga siyang mali
– Kaya naman, hindi din naging isyu kay Andi ang naturang video dahil aniya ay may tiwala siya kay Philmar
– Sa guesting nila Philmar at Andi sa ‘Fast Talk with Boy Abunda,’ inihayag ni Philmar kung gaano niya kamahal si Andi maging ang kanilang mga anak at maging si Ellie
Ipinahayag ni Philmar Alipayo ang kanyang panig hinggil sa kontrobersiyal na viral video kung saan siya ay lasing at may kausap na babae. Sa paliwanag niya, kinumpirma ni Philmar na tunay nga siyang lasing sa oras na iyon, ngunit maingat pa rin siya at alam ang kanyang mga limitasyon.
Ayon kay Philmar, hindi niya kakayaning umuwi ng bahay kung may nagawa nga siyang mali.
Kung may kasalanan ako hindi ko kayang umuwi ng bahay.
Ipinapakita nito ang kanyang pagpapahalaga sa kanilang pamilya at pagiging responsable bilang isang ama at kasama ni Andi Eigenmann.
Dahil dito, hindi naging isyu kay Andi ang nasabing video, dahil sa paniniwala niya sa pagmamahal ni Philmar. Inihayag rin ni Philmar ang kanyang pagmamahal sa kanilang pamilya sa kanilang guesting sa ‘Fast Talk with Boy Abunda’, kung saan ibinahagi niya ang lalim ng pagmamahal niya kay Andi, sa kanilang mga anak, at pati na rin kay Ellie.
Si Andi Eigenmann ay isang, product endorser at movie star. Siya ay nagmula sa prominenteng angkan ng mga artista ng mga Eigenmann. Anak siya ng award-winning aktres na si Jaclyn Jose at Mark Gil.
Marami ang natuwa sa bagong video na binahagi ni Andi sa kanilang YouTube channel kung saan binahagi niya ang kanilang bonding moment kasama ang mga anak na sina Ellie, Lilo at Koa sa kanilang bakuran. Gumawa sila ng kanilang DIY experiment na rocketship at makikita ang tuwa sa kanilang mga mukha sa simpleng libangan nila. Marami ang lalong humanga sa simpleng kasiyahan ng mag-iina sa kanilang bahay sa Siargao.
Samantala, ayon kay Gabby Eigenmann, nasa plano daw na dadalhin sa Siargao ang abo ni Jaclyn Jose pero hindi pa daw ito kumpirmado. Nabanggit daw ni Andi na ‘Uwi na tayo Nanay’ at aniya ay maraming pwedeng maging ibig sabihin ito. Hindi daw niya makalimutan ang sinabing ito ni Andi na umantig din maging sa mga taong nakarinig niyon. Aniya, ang bagay na hindi niya makakalimutan sa kanyang Tita Jane ay ang pagiging ina nito sa kanyang mga anak.
