In-unfollow na rin ni Richard Gutierrez ang kanyang estranged wife na si Sarah Lahbati sa Instagram.
Kahapon, January 9, 2024, napansin ng mapanuring mata ng netizens na hindi na naka-follow si Sarah sa mister na si Richard sa Instagram. Pero naka-follow pa rin ang aktor sa kanya.
Ngunit makalipas lamang ang ilang oras, napansin ding naka-unfollow na si Richard kay Sarah.
Kasunod nito ay kapansin-pansing halos sabay-sabay ring in-unfollow si Sarah sa Instagram ng mga kapatid ni Richard na sina Ruffa Gutierrez at Raymond Gutierrez at ng kanilang inang si Annabelle Rama.
Ang un-follow-han nilang ito sa social media ang lalong nagpatibay sa matagal nang usap-usapang hiwalay na sina Richard at Sarah.
Wala pang reaksiyon si Sarah sa pag-unfollow sa kanya ni Richard at ng mga kaanak nito.
Pero sa Instagtram Broadcast Channel niya kahapon, may mensahe si Sarah sa kanyang followers.
Aniya, “Just wanted to say I see your messages, I hear you & I love uuuu.”
Samantala, noong Sabado ng gabi, January 6, ay spotted si Richard sa isang gastropub sa Alabang kasama ang Kapamilya actress na si Barbie Imperial.
Viral na ang videos at photos nila sa social media, pero wala pang pahayag ang dalawa tungkol dito.
