“Nag-enjoy ba kayo?” masayang-masayang tanong ni Sheryl Cruz sa production staff ng Fast Talk With Boy Abunda dahil sa mga pasabog at rebelasyon niya tungkol sa kanyang mga nakarelasyon noong dalaga pa siya.
Si Sheryl ang bisita ni Boy Abunda sa Fast Talk With Boy Abunda nitong Huwebes ng hapon, Mayo 23, 2024.
Hindi siya nagpaawat sa pagkukuwento tungkol sa mga aktor na naging boyfriend niya — sina Aga Muhlach, Mandy Ochoa, Zoren Legaspi, at Anjo Yllana.
Pagbabahagi ni Sheryl, “I actually call him Ariel [tunay na pangalan ni Aga] during the time that we were together.
“Mandy became my boyfriend because first Bench model, di ba? Wow, model, ganyan-ganyan.
“Si Zoren first before Mandy and then Aga.
“Anjo first…”
SHERYL CRUZ REVEALS ANJO YLLANA PROPOSED TO HER
Kasunod nito ay isiniwalat ni Sheryl ang tampo niya noon kay Anjo.
“Actually, nagtampo ako sa kanya noon because he asked for my hand in marriage that time, before I left for the States and decided to actually try it there…
“He asked for my hand in marriage and I said yes. And then I found out na he got somebody pregnant. So, kahit papaano, you broke my heart.
“But it’s already water under the bridge. We’re good friends.”
Ipinagtapat din ni Sheryl na nang bumalik siya sa Pilipinas matapos nilang maghiwalay ng asawang si Norman Bustos ay ipinagpatuloy nila ni Anjo ang naudlot nilang pagmamahalan.
Hiwalay na rin noon si Anjo sa asawa niyang si Jacqui Manzano.
Pero nagkahiwalay rin kalaunan sina Sheryl at Anjo.
Saad ni Sheryl, “And it’s actually amazing because by time I went back here, sa Philippines, I myself got separated and divorced.
“And then, nagkaroon kami ng, kumbaga, ng moment wherein we were able to see each other again.
“And then we were able to catch up on things and tried to have another go at it.
“But then, hinahangaan ko siya because he’s a very good father.
“And ayos naman yung mga anak niya and same thing naman for me.
“If it really didn’t quite work out with your relationship, it doesn’t mean you cannot be a good parent,” salaysay ni Sheryl na muling kinumpirma kay Boy na talagang inalok siya noon ni Anjo ng kasal.
Pero hindi man sila nagkatuluyan, nananatili ang kanilang mabuti at malalim na pagkakaibigan hanggang ngayon.
