Nagpapasalamat ang sexy actress at Vivamax star na si Ayanna Misola sa mga tagahanga nitong tinanggap at naunawaan ang kanyang desisyong huminto sa paghuhubad sa pelikula.
Pinili ni Ayanna na ipagpatuloy ang pag-aaral.
Paliwanag niya sa eksklusibong panayam ng Philippine Entertainment Portal (PEP.ph), “Sobrang thankful ako sa paghanga at tiwala nila sa kakayahan ko.
“Pero siyempre, gusto ko rin pong mag-grow at maging mas maayos na aktres para lalo nila akong hangaan kaya alam kong hindi sila malungkot sa desisyon ko.
“Na-feel ko po kasi na lumilipas ang panahon at hindi ko naman puwedeng gamitin palagi ang pagiging artista ko sa para sa ibang opportunities, lalo na sa business na gusto ko pasukin.
“Gusto ko pong maging successful sa lahat ng aspects na interesado ako.”
Masusing pinag-aralan at pinag-isipan daw ni Ayanna ang mabigat na pasya.
“Medyo matagal din po ang pagde-decide ko kasi marami akong what ifs.
“Siyempre, isa po sa fears ko, e, ma-discriminate ako dahil hindi naman po lahat ng mga tao, tanggap ang sexy image ko.”
Dagdag pa ni Ayanna, “Yung totoo po, nag-request po talaga ako sa Viva na less sexy roles kaya waiting pa rin ako sa project kaso wala pa yata na less sexy films ngayon.
“Waiting pa rin po ako sa project na pasok sa ni-request ko sa kanila.
“Pero okay naman po ako ngayon. Professional ang community na napasukan ko.
“Bumalik ako sa school kaya nag-stop muna ako sa pagpapaseksi para hindi naman ako mabastos ng mga tao sa paligid.”
Read: Vivamax star Ayanna Misola relaxes no-touch rule in her daring scenes
Iinamin ni Ayanna na hati ang reaksiyon ng kanyang mga magulang sa pasya niyang huminto sa paggawa ng for adults movies.
“Fifty-fifty po! Natuwa sila pero iniisip rin nila yung career na naumpisahan ko na. Suportado naman po nila ang desisyon ko,” saad niya.
Paano kung may mang-intriga sa kanyang baka buntis siya kaya hindi muna niya magiging aktibo sa showbiz?
Natawang sabi ni Ayanna, “Wala naman pong tamang sagot kapag inintriga dahil pinipilit. Puwede naman po akong tumanggap ng project sa school break.”
Bago pa siya maakusahan na buntis, ipinadala ni Ayanna sa PEP.ph ang kopya ng mga bagong litrato niyang magpapatunay na hindi nagbago ang hugis ng kanyang katawan.
Nagsimula ang acting career ni Ayanna noong 2021 at sa labing-isang proyekto na sunud-sunod na ginawa niya para sa Vivamax, anim ang kanyang pinagbidahan kaya may mga nanghihinayang sa pasya ng 21-year-old sexy actress tungkol sa acting career nito.
