Tiniyak ni Kira Balinger, 23, na natuldukan na ang kung anumang hindi nila pagkakaintindihan ni Kelvin Miranda, 25.
December 2022 nang mag-viral ang screenshots ng mga usapan nina Kira at Kelvin sa Instagram direct message, na isinapubliko ng dating nobya ng aktor.
Naparatangan si Kira na third party sa hiwalayan ng couple.
Pero noong March 2023, mariin itong pinabulaanan ng dalaga sa panayam ng PEP.ph (Philippine Entertainment Portal).
KIRA BALINGER CHOOSES TO FORGIVE
Naungkat ang isyu nang magkasama sina Kira at Kelvin sa pelikulang Chances Are, You And I.
Sa latest interview ng PEP.ph sa mediacon ng pelikula nitong May 13, 2024, sinabi ni Kira na maling nadawit siya sa isyu.
“Of course, I think it was unfair,” prangkang saad ni Kira.
“Those were private conversations and never meant to be smeared in the Internet in the first place.
“Siyempre when I was first interviewed about it, I was upset.
“But ngayon, the water is not boiling anymore, maayos na, nakapag-move on na kaming lahat.
“Pero masaya na, I’m okay.”
Patuloy ni Kira: “I can say that, of course, may learning na nangyari from that.
“Everything happens for a reason. It made me a stronger person and I chose to forgive.”
Ayon kay Kira, na-appreciate niyang personal na humingi ng tawad sa kanya si Kelvin.
Umiwas ba siya kay Kelvin noon?
Sagot ni Kira, “Siyempre, on my part, like I’ve said before, I was not aware. It was not made clear to me na may something nga sila.
“I didn’t know about it kaya that’s what happened.
“They deserve nothing but the best from us, no matter what happened.”
Ayon kay Kira, pinairal niya ang propesyunalismo sa trabaho nang mag-shooting sila ni Kelvin ng pelikula.
Sabi pa niya tungkol sa kinasangkutang isyu nila ni Kelvin noon, “Pero I cannot let that affect our working relationship kasi siyempre this is our responsibilty.
“We both have to show up for each other, and most importantly, for the production.
“Ang dami nilang pinagdaanan kumpara sa aming dalawa. We have to give that to them.
KIRA BALINGER’S FIRST IMPRESSION OF KELVIN MIRANDA
Sa kabilang banda, puring-puri ni Kira si Kelvin bilang aktor.
“Masaya naman. Like I’ve said in my interviews, pag dedicated ang leading actor, sobrang dali lang,” saad ng Kapamilya actress.
Anong first impression niya rito?
“Bad boy na mayabang,” diretsong sagot ni Kira.
“Pero that was just a first impression, and like I’ve said a while ago, first impressions don’t last for me.
“Puwede kasing magbago ang tao, puwedeng nagkamali ka sa kanya.
“Malalim siyang tao, very, very focused siya sa ginagawa niya. He really loves what he does.”
Sakaling manligaw sa kanya si Kelvin ngayon, may pag-asa kaya ang binata?
Sagot ni Kira, “Hindi ko alam. Honestly, it’s hard to say kasi siyempre damage has been done.
“Bilang babae, it’s hard to completely erase that, forget about it and start new.
“Pero tingnan natin, who knows.”
KIRA BALINGER’S FIRST MOVIE AS LEAD ACTRESS
Memorable para kay Kira ang Chances Are, You and I dahil ito ang kauna-unahan niyang pelikula bilang lead actress.
Nagsimula ang showing ng pelikula, sa ilalim ng direksiyon ni Cathy Camarillo, ngayong May 29.
“It feels surreal. Right now, nakaka-overwhelm. Kasi like what I’ve said a while ago, it’s my first movie na ako yung lead.
“So, sobrang naghahalo yung kaba, yung excitement. Pero yung excitement yung nangingibabaw.
“I’m so excited for everyone to see everything that we worked hard [for], kung paano namin inilagay ang puso namin for this project.
“Ayun, I’m very, very happy, I’m very, very proud.”
Dumalo sina Kira at Kelvin sa katatapos na Jinseo Arigato International Film Festival sa Nagoya, Japan, para sa pelikulang Chances Are, You And I.
Itinanghal ang Kapuso actor bilang “Most Prolific Dramatic Actor,” kung saan may triple entries ito na kinabibilangan ng mga pelikulang Chances Are, You And I; That Kind Of Love; at Mananambal.
