Christian Bautista looks forward to “It’s Showtime”‘s comeback: “‘It’s Showtime’ and that family and that community, whatever they will experience, whatever hardships or struggles, nalalampasan nila. So babalik yan! Stronger, better. And we’re rooting for them.”
Isa ang Kapuso singer na si Christian Bautista sa nag-aabang ng pagbabalik ng Kapamilya noontime show na It’s Showtime.
Kasalukuyang sinusunod ng It’s Showtime ang kanilang 12-day suspension, na nagsimula noong Oktubre 14, 2023, alinsunod sa utos ng Movie and Television Review and Classification Board, na pinamumunuan ni Chairperson Lala Sotto-Antonio.
Isa si Christian sa Kapuso stars na naimbitahang maging hurado para sa Tawag ng Tanghalan segment ng nasabing Kapamilya show, bago ito patawan ng suspension.
Nitong October 8, 2023, nakapanayam ng PEP.ph (Philippine Entertainmet Portal) si Christian sa kanyang show sa 19 East tungkol dito at buo ang tiwala niyang malalampasan ng buong It’s Showtime family ang challenge na ito.
Aniya, “It’s Showtime and that family and that community, whatever they will experience, whatever hardships or struggles, nalalampasan nila.
“So babalik yan! Stronger, better. And we’re rooting for them.”
Pansamantala itong pinalitan ng programang pinamagatang It’s Your Lucky Day, kung saan host sina Luis Manzano, Melai Cantiveros, at marami pang iba.
Samantala, marami ring pinaghahandaan ngayon si Christian at kabilang na nga rito ang kanyang upcoming Kapuso project.
Hindi naman na muna nagbigay si Christian ng detalye tungkol dito ngunit excited na siya para sa kanyang bagong proyekto.
Kuwento nito, “Wala pa schedule. Inaayos lang yung calendar. Pero I’m gonna be part of something.
“I can’t say now until ma-release na. Pero hopefully next year.”
CHRISTIAN BAUTISTA: BAR TOURS
Bukod sa kanyang upcoming Kapuso project, magiging busy rin si Christian sa kanyang bar tour series na nagsimula sa 19 East.
Para kay Christian, iba ang energy na naibibigay ng ganitong intimate shows sa kanya bilang isang singer. Kaya naman, sinimulan nila ang ganitong bar tour.
Kuwento ni Christian, “I remember when I was starting, I started here in the bars and this is really where the roots started
“So I want to expand roots again, sing to the audience personally, inches away.
Iba talaga yung energy.”
Ibang side din ni Christian ang kanyang ipinapakita sa kanyang bar tour.
“Dati ko pa talagang gusto maging rocker, pero sometimes in situations like this, nalalabas natin and they have no choice,” biro nito.
“Pero sometimes you just have to have the artistic freedom to do different things and I’m glad that they’re so receptive.”
Sabi pa ni Christian, “Next month meron ulit and we will update kung kailan at kung saan.”
