“Bakit ang bitter???” Pera nyo??” netizens get into an argument over celebrity doctor Vicki Belo’s revelation that she and husband Hayden Kho sometimes tell their assistant to travel to Paris, France to buy Vicki’s favorite cake. PHOTO/S: YOUTUBE (VICKI BELO) / @JEANPAUL_HEVIN ON INSTAGRAM
Sa recent vlog ng kilalang cosmetic surgeon, nabanggit na sa Paris, France ito nabibili, at kapag nagki-crave siya nito ay paliliparin niya ang personal assistant (P.A.) doon.
Binanggit din ng kanyang mister na si Hayden Kho na kapag nag-away sila ni Vicki, uutusan din ni Hayden ang kanilang P.A. na bumili ng Jean-Paul Hevin cake sa Paris bilang peace offering.
Dumagsa ang komento ng netizens.
May tumawag na “injustice” ang display of wealth ni Dra. Vicki.
Pinaratangan din siyang mayabang o “show off.”
May iba naman na tila nakaramdam daw ng self-pity dahil sa kuwento ni Belo na uutusan ang assistant na bumiyahe pa sa Europe just to buy her favorite cake.
Sa vlog, may disclaimer sina Vicki at Hayden na gumagamit naman sila ng “points”—most probably ay travel points—para makapag-avail ng libreng plane ticket.
Nag-joke naman si Dra. Vicki na hindi niya alam ang pakiramdam na ito dahil “never akong pumupunta ng Quiapo.”
CONS
Bagamat wala sa tono ng celebrity doctor ang pagyayabang at wala rin namang isyu ang personal assistant sa pagbibiyahe nito papuntang Paris, may mga netizens na hindi mapigilang punahin ang “kapritso” ni Dra. Vicki.
“Good for her… so many died for hunger,” published-as-is comment ng isa.
Sabi ng isa pang netizen, “Ostentatious display of wealth for the haves to flaunt to the have nots.”
Pagsang-ayon ng isa, pagyayabang daw masyado ang pagpapakita ng yaman, tulad ng ginawa ni Belo.
At siyempre, hindi mawawala ang mga banat na sana itinulong na lang sa iba dahil marami ang nagugutom.
PROS
Marami ring nagtanggol kay Vicki.
“Kung afford naman nila at hindi ninanakaw ang pera why not!” simpleng komento ng isa.
May mga nagsabi ring karapatan ng doktora na gastusin ang perang pinaghirapan sa paraang gusto niya.
“Pera niya yan pinag hirapan niya yan.. ano gusto niyo maambunan ng yaman niya.. mag banat kayo ng buto at wag kayo mamburaot at umasa sa bigay,” banat ng netizen.
“Advice” naman ng isa, “Hayaan mo sila how they want to spend their money kasi pera naman nila yun. Hard earned money.”
Puna ng isa pa, “bakit ang bitter???” Pera nyo??”
Pagsang-ayon ng isa pa, kung afford naman ito ni Vicki, bakit naman niya titipirin ang sarili?
“Di naman nya ninakaw yung pera. These people just can’t be happy for others.”
So whenever people judge or bash you, it’s your life—choose the way you want to live it.
